Kooxda Manchester City oo doonaysa daafaca birta ah ee Kooxda PSG..

Kooxda kubada cagta ee Manchester City  ayaa si weyn ula socota xaalada dafaca kooxda Paris St Germain ee  Mamadou Sakho.

22-jirkan ayaa waxaa uu boos joogta ah ka waayay kooxdiisa kadib markii uu macalinka kooxdaas doorbiday inuu iska garab ciyaarsiiyo  Thiago Silva iyo Alex.

Daafacan mucjisada ah ayaa la sheegay inuu mustaqbal wanaagsan ku leeyahay kubada cagta, waxaana tababaraha kooxda City uu doonayaa in bisha January uu lasoo wareego

Wakiilka ciyaaryahankan qaranka Farance ayaa sheegay in ciyaaryahankan ay doonayaan kooxo badan oo ka dhisan Ingiriiska iyo Talyaaniga waxaana kooxahaas kamid ah AC Milan

Arsenal ayaa dhanka kale mudo doonaysay in ay lasoo wareegto xidigan kadib markii ay fashilmeen daafacyada kala ah Sebastien Squillaci iyo Johan Djourou.

Sidoo kale kooxda difaacanaysa horyaalka Ingiriiska ee City ayaa doonaysa in xidigan ay badal uga dhigto ciyaaryahanka daafaca ah ee Joleon Lescott  bisha soo aadan

Goolhaye:Isha Wararka Ciyaaraha